Cydymaith Ardderchog James Ross, a’r Prif Arolygydd Ardderchog yn a thros Dalaith Gorllewin Cymru

Mae’r Bwa Brenhinol yn barhad o Saeryddiaeth Crefft. Mae ei aelodau, a elwir yn Gymdeithion, yn cyfarfod mewn Siapteri o dan y Siapter Fawr. Caiff Siapteri eu rheoli gan dri Phenadur, sy'n llywodraethu ar y cyd, ac mae'r Siapter Fawr yn cael ei rheoli gan dri Phrif Benadur, a Pro Brif Benadur Cyntaf  pan fydd y Prif Benadur Cyntaf yn Dywysog Brenhinol.

Mae Siapteri yn y wlad hon yn cael ei grwpio yn ôl ardal Fetropolitan neu Daleithiau (yn seiliedig ar yr hen Siroedd) a Siapteri tramor yn cael eu grwpio yn ôl Ardaloedd. Rheolir Siapteri Mawr y Metropolitan, y Taleithiau a'r Ardaloedd gan Uwcharolygydd a benodir gan y Prif Benadur Cyntaf fel ei gynrychiolydd personol ar gyfer yr ardal benodol.

Yng Nghymru a Lloegr, mae i’r Bwa Brenhinol ddwy seremoni: y seremoni ddyrchafu i ddod ag aelodau newydd i mewn a seremoni sefydlu ar gyfer y tri Phenadur. Mae dwy ran i'r seremoni ddyrchafu: cyflwyniad eithaf dramatig o egwyddorion y Drefn ac yna tair Darlith lle mae hanes, symbolaeth ac egwyddorion y Bwa Brenhinol yn cael eu hegluro ymhellach. Mae'r seremoni sefydlu ei hunan mewn tair rhan, un ar gyfer pob un o'r tri Phenadur. Fel Saeryddiaeth Crefft, mae'r Bwa Brenhinol yn agored i ddynion o bob ffydd.

Mae alegori'r seremoni ddyrchafu yn seiliedig ar yr Hen Destament sy'n dweud am ddychwelyd i Jerwsalem o gaethiwed Babilon i ailadeiladu'r ddinas a'r deml. Wrth glirio tir y deml wreiddiol ar gyfer sylfeini'r ail deml, mae'r ymgeisydd yn gwneud nifer o ddarganfyddiadau sy'n pwysleisio pa mor ganolog yw Duw i fywyd a bodolaeth dyn a, heb droseddu ar ffiniau crefydd, arwain yr ymgeisydd i ystyriaeth o natur Duw a'i berthynas bersonol ag Ef, beth bynnag fyddo ei grefydd.

Yng Nghymru a Lloegr, mae'r Bwa Brenhinol yn cael ei ystyried fel cwblhad o "Saeryddiaeth hynafol pur”. Yn y Grefft cyflwynir i'r ymgeisydd gyfres o egwyddorion a daliadau tra ymarferol, ac o’u hymarfer, fe all obeithio byw bywyd dymunol i'w Dduw, sut bynnag y mae'n ei addoli, ac o wasanaeth i'w gyd-ddyn. Ond nid bod ymarferol yn unig yw dyn, mae iddo ochr ysbrydol hanfodol i'w natur. Cyflwynir yr ochr ysbrydol honno yn y Drydedd Radd, lle mae'r ymgeisydd yn cael ei arwain i fyfyrdod ar dynged anochel dyn, ac sy’n dod yn neges ganolog y Bwa Brenhinol. Yn yr ystyr hwnnw, gellir ystyried "Saeryddiaeth hynafol pur" fel taith o hunan-adnabyddiaeth a darganfyddiad gyda'r Bwa Brenhinol yn gwblhad o wersi ymarferol y Grefft trwy fyfyrio ar natur ysbrydol dyn, gan atgyfnerthu a chefnogi'r hyn a ddysgodd o'i gred yn hytrach na’i ddisodli.